Almatyda 100-den astam aýdıotehnıka jınaqtalǵan kórme ótýde.
Almaty turǵyny Andreı Klımenko kóp jyldan beri aýdıotehnıka jınaýmen áýestenedi. Qazir shaǵyn murajaıynda 120-dan astam jádiger bar, dep habarlaıdy Almaty-akshamy.kz 24.kz-ke silteme jasap.
1959 jyldan bastap 1993 jylǵa deıin shyqqan magnıtofondardy Andreıdiń murajaıynan taba alasyz. Keıbiriniń salmaǵy 20 keli tartady. Bir kezderi jalyndy jastardyń qolynan túspegen «Romantık» magnıtofonynan bastap, «Iýpıter», «Idel» jáne «Kometa» da murajaıdan oryn tapqan. Klımenko barlyq aýdıo-tehnıkaǵa asa uqyptylyqpen qaraǵan. Kónergen tehnıkanyń keıbiri áli istep tur. Kelýshilerdi jan-jaqty tanystyrý úshin keıbir eksponat bólshektengen kúıinde qoıylypty.
«Mundaǵy tehnıkanyń barlyǵy eski bolǵandyqtan profılaktıkalyq jumystar qajet. Qazirgi jastar onyń neden jáne qalaı jasalǵanyn túsine bermeıdi. Sondyqtan biz «Ystyqkól-101» magnıtofonyn kórsetetin eksponat jasadyq. Munyń ishki qurylymdary óte kúrdeli. Ol jerde tek MP3 oınatqyshy ǵana emes, sonymen qatar kóptegen qıyn elementteri bar», - deıdi kolleksıoner Andreı Klımenko.