«Álemniń altyn jazýshysy» dıplomy qazaqstandyq qalamger Rollan Seısenbaevqa tabys etildi.
Bul joǵary ataq jer sharynyń ozyq oıly, kórnekti jazýshylaryna rýhanı eńbekteri men qýatty shyǵarmashylyq umtylystary úshin taǵaıyndalady, dep habarlaıdy Almaty-akshamy.kz Qazaqtv.com saıtyna silteme jasap.
Olardyń kitaptary adamzat balasynyń keń tynysty erkin ómiriniń sharyqtaýyna jol ashýymen qundy. Bedeldi syılyqty «Radius» jáne «Pegasus Brucke» halyqaralyq óner ortalyqtary men 10 memlekettiń halyqaralyq qoǵamdyq uıymdary taǵaıyndaǵan.
«Ol – tek jazýshy ǵana emes, úlken gýmanıs. Atadan mura bolyp qalǵan rýhanı qundylyqtarymyzdy búgingi jas urpaqqa jetkizip keledi. Onyń eńbekterinde kóshpeli órkenıetten otyryqshy mádenıetke aýysqan tustaǵy qıyndyqtar sýretteledi. Tabıǵatqa degen kózqaras, adamdardyń arasyndaǵy qarym-qatynas beınelenedi», - deıdi aǵa oqytýshy Nurjan Qulymjanov.