Erkin kúresten Ulttyq qurama kóshbasshysy Rızabek Aıtmuhan (97 kg) Ispanıanyń Pontevedra qalasynda ótip jatqan 20 jasqa deıingi palýandar arasyndaǵy álem chempıonatynda top jardyǵ dep habarlaıdy aqshamnews.kz.
Ol - erkin kúresten jastar arasynda álem chempıony atanǵan tórtinshi balýan. Osyǵan deıin Ramzan Mýrtazalıev (1996 jyly), Ábil Ibragımov pen Iosıf Momselıdze (2000 jyly) ánuranymyzdy shyrqatqan bolatyn. Mine, keshe ǵana araǵa 24 jyl salyp Rızabek Aıtmuhan sol sara joldy jalǵady.
Týrızm jáne sport mınıstrliginiń habarlaýynsha, ol fınalda ázerbaıjandyq Hetag Karsanovti taza jyqty. Esep: 10-0. Aıta keteıik, Rızabek Aıtmuhan 2023 jyly Serbıanyń Belgrad qalasynda ótken eresekter arasyndaǵy álem chempıonatynda altyn júlde ıelengen bolatyn. Osylaısha ol táýelsiz Qazaqstannyń erkin kúres tarıhynda álem chempıony dárejesine jetken tuńǵysh balýan atandy.