Búgin - qazaq boksynyń atasy Shoqyr Bóltekulynyń týǵan kúni
Rıngke 223 ret shyǵyp, onyń 199-yn nokaýtpen aıaqtaǵan, bokstan Qazaqtan shyqqan tuńǵysh sport sheberi Shoqyr Bóltekuly týraly. Bul aǵamyz budan 100 jyldaı ýaqyt buryn, ıaǵnı 1916 jyldyń 29 qazanynda Mańǵystaý oblysynyń Jarmysh aýylyna qarasty Sarqaýaq degen jerde dúnıege kelgen. Onyń esimi tumsyǵy tasqa tımeı qaıtpaıtyn bekire tuqymdas shoqyr atty balyqpen oraılas qoıylǵan eken.
Qazaqstanda alǵash ret 1937 jyly Almaty qalasynda bul aǵamyz bokstan el birinshiligin uıymdastyryp, qazaq boksynyń tarıhyn bastap beredi. Boks sportynyń tarıhynda bul qoǵam keıin keń óris alyp, «Dınamo», «Spartak», t. b. atalyp, úlken keńistikterge shyǵady.
Qylyshynan qan tamyp turǵan 40-jyldary óz tegin «uly» dep jazdyrǵan tuńǵysh qazaq ta osy – Shoqyr Bóltekuly.
«Almatynyń kóshesinde jigitterimen birge Shoqyr atamyz kele jatqanda, bári qoǵadaı japyryla jol beredi eken. Sol kezderi Shoqyr atamyzdyń bedeli qazirgi álemdik ánshilerden bıik bolmasa, kem bolǵan joq», - deıdi belgili sport jýrnalısi Qydyrbek Rysbek.
«Bas kespek bolsa da, til kespek joq» degen halyq naqylyna keltirilgen mysal Shoqyr Bóltekulynyń ómirinde de bar.
Shoqyr soǵystyń kezinde famılıasyna uly dep jazdyrtqanyn aıttyq. Tegin uly dep jazdyrtqany úshin talaı jeńildikterden aıyrylyp, san márte soqqy jegen.
Batyr Báýkeń, Baýyrjan Momyshulynyń ózi:
«Eki-aq naǵyz qazaq barmyz, biri – men, biri – Shoqyr», – deıdi eken...
Sóıtsek, tegin (famılıasyn) -ov, -ev dep ózgertpegenin meńzegen eken-aý..
Burahan Daqanov paraqshasynan alyndy