Túrli indetter men basqa da qasiretter kedeıliktiń kesirinen taraýda.
Mundaı pikirdi Rım Papasy Fransısk Elorda tórinde ótip jatqan Álemdik jáne dástúrli dinder lıderleriniń VII sezinde aıtty, dep habarlaıdy Almaty-akshamy.kz QazAqparatqa silteme jasap.
«Barlyǵyna, ásirese, qamqorlyqsyz qalǵandar men múmkindigi joq adamdarǵa jaqyn bolaıyq. Qoǵamnyń eń álsiz jáne kedeı toptaryna, únsiz azap shegip jatqan jandarǵa nazar aýdaraıyq», - dedi Pontıfık.
Rım Papasynyń aıtýynsha, kedeıliktiń kesirinen túrli indetter men basqa da qasiretter tarap jatyr.
«Qazirgi kezde eń úlken syn-qater faktory retinde áli de kedeılik bolyp tur. Kedeılik pen janjaldyq saldary zorlyq-zombylyq pen sarańdyqqa ákeledi. Teńsizdik pen ádiletsizdikke tosqaýyl qoımasaq, COVID-ten de jaman vırýstardy, ıaǵnı óshpendilikti, zorlyq-zombylyqty, terorızmdi toqtatý múmkin emes. Bul óz kezeginde bizdi planetarlyq aýqymdaǵy ekinshi problemaǵa ákeledi, osy másele erekshe túrde dindarlarǵa qatysty bolyp tur», - dedi Rım Papasy.
Osy oraıda Pontıfık din kóshbasshylary álemde sheshilmeı jatqan qaqtyǵystardy doǵarý úshin sabyrǵa shaqyryp, óz úlesin qosýy kerek ekenin aıtty.