Rıdderdegi jylý elektr ortalyǵynda taǵy da oqys jaǵdaı boldy
Shyǵys Qazaqstan oblysy Rıdder qalasynda tótenshe jaǵdaı rejımi jarıalandy, dep habarlaıdy Almaty-akshamy.kz QazAqparatqa silteme jasap.
21 naýryzda Rıdderdegi jylý elektr ortalyǵynda taǵy da oqys jaǵdaı bolǵan edi. Eki qazandyqta órt shyǵyp, úılerde jylý temperatýrasy azaıǵan.
Sol kúni qyzyl jalyn aýyzdyqtalyp, jylý elektr ortalyǵynda jylytý maýsymy aıaqtalǵanǵa deıin órt sóndirýshiler kezekshilik etetindigi habarlandy.
Al 23 naýryzda ortalyqta jarylys boldy.
Soǵan oraı búgin Rıdderde óńirlik aýqymdaǵy tótenshe jaǵdaı rejımi jarıalanyp otyr.
«Jylý elektr ortalyǵynyń jumysynda úlken kemshilikter bar. Onyń jańa ıesi «RNGK» kompanıasy qańtardan bastap eshqandaı jumys júrgizbegen. Ótken kezeńde úsh mıllıard teńgeden astam bereshek qalyptasty, mazýt, kómir, elektr energıasyn jetkizýde olqylyqtar boldy. Sonymen qatar qarasha aıynan bastap shuǵyl jóndeý jáne qalpyna keltirý jumystaryn júrgizgen kompanıalarǵa eńbekaqy tóleý áli keshiktirilip jatyr», - deıdi oblys ákimi Danıal Ahmetov.
Onyń aıtýynsha, qazir JEO-nyń jylytý maýsymynyń sońyna deıin jumys isteýin qamtamasyz etý úshin ortalyqty basqarýdy ákimdik qolǵa alýǵa májbúr.