Preparat Qazaqstanǵa jetkizildi.
«Spýtnık Laıt» preparatynyń 150 000 dozasy aqysyz negizde beriletin bolady, dep habarlaıdy Almaty-akshamy.kz Qaraǵandy farmasevtıkalyq keshenine silteme jasap.
Qazaqstan men Reseı arasyndaǵy tatý kórshilik qarym-qatynastardy, farmasevtıkalyq naryqtaǵy kóp jylǵy jemisti yntymaqtastyqty, sondaı-aq sońǵy kúnderdegi eldegi áleýmettik-ekonomıkalyq jaǵdaıǵa eleýli áser etken qaıǵyly oqıǵalardy eskere otyryp, «Qaraǵandy farmasevtıkalyq kesheni» JSHS (QFK) aksıonerlerimen koronavırýs ınfeksıasy taralýynyń aldyn alýǵa qarsy kúreste kómek kórsetý týraly sheshim qabyldandy.
Qazaqstanǵa revaksınalaý úshin Gamaleıa atyndaǵy ǴZO ázirlegen COVID-19-ǵa qarsy bir komponentti «Spýtnık Laıt» preparatynyń 150 000 dozasy aqysyz negizde beriletin bolady.
20 qańtarǵa deıin «Spýtnık Laıt» vaksınasy Nur-Sultan qalasyndaǵy SQ-«Farmasıa» qoımasyna beriledi.
Qazaqstan halqyn ımmýndaý úshin QFK birinshi bolyp ótken jyldyń aqpan aıynda «Spýtnık V» vaksınasyn jetkizýdi jáne óndirýdi júzege asyrǵany belgili. SQ-«Farmasıa» biryńǵaı dıstrıbúterimen memleketaralyq shart sheńberinde Qaraǵandy farmasevtıkalyq kesheni qazaqstandyqtardy vaksınanyń 7 000 000 dozasymen qamtamasyz etý boıynsha mindettemelerin tolyq kólemde oryndady.
Vaksınalar óndirýden basqa, QFK áleýmettik máni bar aýrýlardy-gemofılıa, onkologıa, vırýstyq gepatıtter, qant dıabeti, sondaı-aq orfandyq aýrýlardy emdeýge arnalǵan bıotehnologıalyq dárilik preparattardyń úlken jelisin shyǵarýmen aınalysady. Kásiporyn bul baǵytta 2005 jyldan beri jumys atqaryp keledi.