Almaty bólimshelik kóliktegi sanıtarlyq-epıdemıologıalyq baqylaý basqarmasy metro qyzmetkerlerine ekpeniń mańyzdylyǵy týraly aqparattarmen bólisip, revaksınalaýdyń mańyzdylyǵy jaıly sóz qozǵady. Ózderińiz biletindeı, 22 qarashadan bastap elimizde azamattardy koronavırýstyq ınfeksıaǵa qarsy revaksınalaý bastaldy.
Revaksınalaý bastalǵanǵa deıin kóptegen daıyndyq jumystary júrgizildi: ekpe kabınetteriniń daıyndyǵyn baqylaý, revaksınalaý algorıtmi boıynsha medısına qyzmetkerlerine arnalǵan oqytý semınarlaryn ótkizý, halyq arasynda aqparattyq-túsindirý jumystary júrgizidýde. Sondaı-aq, túsindirý jumystary barysynda jolaýshylardyń sanıtarlyq talaptardyń durys saqatalýy, qyzmetkerlerge qajetti betperdemen zalasyzdandyrǵysh quraldardyń jetkiliktigi tekserildi. Elektrmen jabdyqtaý qyzmetiniń basshysy Kerimbekov Qanybek revaksına mańyzy jaıly sóz qozǵaı otyryp, metropolıten qyzmetkerleriniń 99%-y ekpeniń eki birdeı komponentin alǵandyǵyn atap ótti.
«Revaksınalaýdyń mańyzy – halyqtyń ujymdyq ımýnıtetin qalyptastyrý. Imýndyq jaýaptyń ózindik zańdylyqtary bar. Revaksınalaýdan keıin ımýnıtet kúshti bolady»,–deıdi Elektorjabdyktaý qyzmetiniń basshysy.
Eske sala ketsek, ekpe saldyrmas buryn pasıent dárigerge tekserilýi qajet. Vaksınalaý - ol aýmaqty proses. Eń aldymen dáriger pasıentti tekseredi, oǵan zerthanalyq taldaýlar júrgizedi. Mysaly, vaksına saldyrý kezinde naýqasta órship ketken, asqynǵan, sozylmaly aýrýlary bolmaýy kerek. Sondaı-aq, dene qyzýynyń joǵarylaýy, álsizdik bolmaýy tıis.
Vaksına júkti áıelge, emizýli sábıi bar analarǵa jáne 18 jasqa deıingi balalarǵa salynbaıdy. Bul óte mańyzdy. Sebebi sozylmaly aýrýy bar adamǵa vaksına salynsa, onda onyń ımýnıteti qalyptaspaıdy. Sondyqtan dáriger jınaqtaǵan taldaýlar nátıjesin kórgennen keıin ǵana pasıentti vaksınalaý bólimine jiberedi. Bul bólimge pasıent vaksınany alý úshin bir esikten kirse, vaksına alǵannan keıin basqa ekinshi esikten shyǵady