Qazgıdromettiń 14 qazanǵa arnalǵan aýa raıy boljamyna sáıkes, respýblıkanyń kóptegen aımaqtarynda qar men jańbyr jaýady, dep habarlaıdy aqshamnews.kz
Ońtústik-shyǵysta jáne Qazaqstannyń ońtústiginde kúndiz qatty jańbyr kútilýde. Ortalyq óńirlerde, ońtústik-shyǵystyń taýly aýdandarynda, soltústik jáne shyǵys aımaqtarda jańbyr men qar jaýady. Soltústik-batys pen respýblıkanyń soltústiginde, túnde shyǵysta da qar jaýýy múmkin.
Tek batys pen soltústiktiń keıbir aımaqtarynda jaýyn-shashynsyz aýa raıy saqtalady. Jel kúsheıip, soltústik-batysta, ortalyqta boran, shyǵys, ońtústik jáne ortalyq óńirlerde kóktaıǵaq bolýy yqtımal. Túnde jáne tańerteń soltústikte, ońtústikte, shyǵysta jáne ortalyqta tuman túsýi, soltústikte joldarda kóktaıǵaq bolýy múmkin.
- Astanada aýa raıy qubylmaly, jaýyn-shashynsyz, kóktaıǵaq, túnde −8–10 °C, kúndiz −1–3 °C.
- Almatyda bultty, keıde jańbyr jaýady, túnde +8–10 °C, kúndiz +15–16 °C.
- Shymkentte bultty, keıde jańbyr jaýady, túnde +8–10 °C, kúndiz +15–17 °C.