Proeksıa júrgizýshilerge joldan ótip bara jatqan adamdy 100-150 metrden baıqaýǵa múmkindik beredi.
Kólik qarqyny joǵary respýblıkalyq tasjoldarǵa proeksıalyq jolaqtar ornatyldy, dep habarlaıdy Almaty-akshamy.kz
Respýblıkalyq mańyzy bar tasjoldarda jol qozǵalysy qaýipsizdigin arttyrý úshin QazAvtoJol mamandary jaıaý júrginshilerge arnalǵan proeksıalyq ótkelderdi ornatyp jatyr. Máselen, zamanaýı tehnologıa Almaty óńirinde ornalasqan respýblıkalyq mańyzdaǵy tasjoldarda paıda boldy.
Bes jańa proeksıalyq jaıaý júrginshiler ótkelderi eldi-mekenderdiń, oqý oryndarynyń jáne medısınalyq kómek kórsetý pýnktteriniń qasyna ornatyldy.
A-2 "ÓR shekarasy (Tashkentke) - Shymkent - Taraz - Almaty - Qorǵas" tasjolynyń 29 shaqyrymynda (Qarasaı aýdany, Barys avtobazarynyń janynda);
A-4 «Almaty - Shamalǵan - Uzynaǵash-Aqqaınar-Suranshy batyr-QR shekarasy" tasjolynyń 52 shaqyrymynda (Jambyl aýdany, Qarǵaly kentiniń janynda);
M-36 "RF shekarasy (Ekaterınbýrgke) - Almaty" avtojolynyń 40 shaqyrymynda (Qarasaı aýdany, Qoshmambet kentiniń janynda);
A-2 "ÓR shekarasy (Tashkentke) - Shymkent - Taraz - Almaty - Qorǵas" tasjolynyń 24 shaqyrymynda
(Talǵar aýdany, Panfılov kentiniń mańynda);
R-17 “Almaty-Talǵar-Báıdibek bı" tasjolynyń 15 shaqyrymynda (Talǵar aýdany, Belbulaq kentiniń janynda) ornatyldy.
Arnaıy gobo-proektorlardyń kómegimen aýa-raıynyń kez kelgen túrinde avtokólik júrgizýshileri men jaıaý júrginshiler jolda aq-sary jaıaý júrginshiler zebrasyn anyq kóre alady. Proeksıa júrgizýshilerge joldan ótip bara jatqan adamdardy 100-150 metr qashyqtyqta ýaqtyly baıqaýǵa múmkindik beredi.
Dál osyndaı 30-ǵa jýyq proeksıalyq jolaq buǵan deıin elimizdiń
toǵyz óńiriniń respýblıkalyq mańyzdaǵy tasjoldaryna ornatyldy.