Jasaq óz qyzmetin Qazaqstan Respýblıkasynyń búkil aýmaǵynda, sondaı-aq odan tys jerlerde tótenshe jaǵdaılar aımaqtarynda avarıalyq-qutqarý jáne izdestirý-qutqarý jumystaryn júrgizý jónindegi mamandandyrylǵan uıym retinde bastady. Jasaqtyń negizgi maqsaty jetý qıyn aýdandarda, kúrdeliligi joǵary obektilerde qutqarý jáne izdestirý-qutqarý jumystaryn uıymdastyrý jáne júrgizý, dúleı zilzalalar, avarıalar men apattar saldarynan zardap shekkenderge shuǵyl kómek kórsetý, jasaqtyń bólimsheleriniń respýblıka aýmaǵynda jáne odan tys jerlerde qutqarý jumystaryn shuǵyl júrgizýge turaqty daıyndyǵyn qamtamasyz etý bolyp tabylady.
Jasaq Almaty qalasynda ornalasqan jáne táýlik boıy kezekshilik rejıminde. 2012 jyldan bastap Respýblıkalyq jedel-qutqarý jasaǵynyń basshylyǵynda halyqaralyq dárejedegi qutqarýshy, 1-2 toptaǵy I sanatty súńgýir, súńgýirlerdi daıarlaý jónindegi nusqaýshy Vladımır Soı tur. Mamandardyń bilimi jer silkinisi, sý tasqyny, tehnogendik apattar kezinde izdestirý-qutqarý jáne avarıalyq jumystardy tıimdi júrgizýge múmkindik beredi. Jasaq árqashan kez kelgen tótenshe jaǵdaıǵa, álemniń kez kelgen núktesine shyǵýǵa daıyn.
Jasaqtyń negizgi bólimderi: qutqarý, súńgýirlik, kınologıalyq, medısınalyq-psıhologıalyq, kezekshi-dıspecherlik, radıasıalyq, hımıalyq jáne bıologıalyq qorǵaý bólimshesi. Jasaqta keń beıindi mamandar, qutqarýshy-súńgýirler, kınologtar, shaǵyn kólemdi kemelerdiń júrgizýshileri, halyqaralyq deńgeıdegi qutqarýshylar jumys isteıdi. Barlyq qutqarýshylar-sportshylar, olardyń kópshiligi sport sheberi men sport sheberine úmitkerler, kópshiliginde álpınıserdiń tósbelgileri bar.