Almaty qalasy Bostandyq aýdanynyń 1000-nan astam oqýshysy Respýblıka kúnimen qazaqstandyqtardy kreatıvti túrde quttyqtady!
Qazaqstan Respýblıkasynyń Memlekettik egemendigi týraly Deklarasıanyń qabyldanǵanyna 35 jyl tolýyna oraı
Bostandyq aýdanynyń oqýshylary «RESPÝBLIKA KÚNİMEN!» atty jarqyn fleshmobqa qatysty.
Alańdy qýanysh pen shattyq sezimi, balalardyń kúlkisi men otansúıgish rýh kernedi.
Bári bir júrektiń dúrsiline aınaldy — bizdiń Táýelsiz Respýblıka júregi!
1000-nan astam oqýshy men ustaz Otanǵa degen súıispenshiligin, birligin jáne Qazaqstannyń jarqyn bolashaǵyna degen senimin bildirdi.
Balalar fleshmobqa zor qýanyshpen, maqtanysh sezimimen jáne joǵary patrıottyq rýhpen qatysty.
«Men Qazaqstandy jaqsy kóremin, óıtkeni bul meniń týǵan elim!», — deıdi №105 gımnazıanyń 11-synyp oqýshysy Shýkırbekova Medına.
«Búgin biz birge án aıtyp, bı bılep, óz elin súıetin naǵyz qazaqstandyq ekenimizdi kórsettik», — dep bólisti №145 mektep-gımnazıanyń 9-synyp oqýshysy Bekbolat Dana.
Fleshmob dostyq pen birliktiń, jas urpaqtyń elge degen maqtanysh seziminiń aıǵaǵyna aınaldy.
Bostandyq aýdanynyń bilim berý bóliminiń basshysy Qasymbek Aıgúl Jumabekqyzy atap ótkendeı, mundaı is-sharalar jas urpaqtyń boıynda patrıottyq rýh pen el tarıhyna degen qurmet sezimin qalyptastyrady.