Respýblıka kúni qarsańynda astanalyq jastar «Meniń Qazaqstanym!» atty aksıany bastady.
Jastar úılerdiń balkondaryna kók týdy ilip qoıdy. Astana kóshelerinde myńǵa jýyq kók baıraq jelbirep tur, - dep habarlaıdy Aqshamnews.kz.
Elorda ákimdiginiń málimetinshe, patrıottyq aksıa jyl saıyn ótkiziledi. Bul aksıa elorda kóshelerindegi júrgen astanalyqtar men qala qonaqtaryna júrek tebirenter áser syılady. Astanalyqtar aksıaǵa qosylyp jatyr.
«Jyl saıyn otbasymyzben osy chellendjge qatysamyz, balkonǵa tý ilip qoıamyz. Bul qarapaıym áreket, biraq sımvoldyq máni bar. Qaladaǵy ilinip turǵan týlardy kórgende, eliń úshin maqtanysh sezimi kerneıdi», - dedi Saryarqa aýdanynyń turǵyny.
Eske sala keteıik, Memlekettik rámizderin ornalastyrý týraly erejege sáıkes, azamattar óz úıleriniń ǵımarattary men balkondarynda patrıottyq sezimderdi bildirý jáne Ulttyq jetistikterdi qoldaý maqsatynda memlekettik týdy paıdalanýǵa quqyly.
Memlekettik rámizderdi paıdalanýdyń belgilengen standarttaryn saqtaý qajet.