Depýtat Rınat Zaıyt saýda mınıstri Arman Shaqqalıevten deldaldarmen kúres týraly surady, - dep habarlaıdy aqshamnews.kz tilshisi.
Depýtattyń aıtýynsha, naryqtaǵy baǵany "bir kóke" qoıyp otyr.
"Óz sıtatańyzdan bastaıyn. "Baǵa men suryptalýdy baqylaý naryqtaǵy turaqtylyqty qamtamasyz etip, azamattardyń qajettilikterin óteýge múmkin beredi". Óte durys. Atam qazaq et qymbattady degende "balanyń qyzyǵyn tapqan kórsin, maldyń qyzyǵyn baqqan kórsin" degen. Osy aýyl sharýashylyǵyndaǵy malshylar rahattanyp qaldy dep oıladyq. Barsaq, aýyldaǵy et baǵasy qymbattamaǵan. Sol baıaǵy jartas, bir jartas. Tapsyrma orrnydalyp jatqan joq. Deldaldar júgirip júr. Bazardaǵy 5-6 myń et, aýylda ary ketse 3 myń teńge. Bazarǵa aparyp sataıyn dese, "bir kóke" otyryp alǵan. Tańǵy 4-te aparyp úlgerseń ótkizdiń, úlgermeseń bitti. Baǵany qoıatyn sol. Jármeńkege ákeleıin dese, ótkendegi jármeńkede ózderińiz kýá boldyńyz. Qansha sharýa "ákimdik ornymyzdy satyp jiberdi" dep shaǵymdandy. Eksportqa shyǵaraıyn dese, ne júnin, ne terisin shyǵara almaıdy. Etke de lımıt qoıylǵan", - dedi depýtat.
Osy oraıda Rınaıt Zaıyt deldaldarmen kúresi qalaı júzege asady jáne eksport lımıtin qanshaǵa ósire alasyzdar degen suraq qoıdy.
"Jumysty júıeli túrde aı saıyn, apta saıyn júrgizip jatyrmyz. Segiz aıda 10 myńnan asa taldaý jasadyq. Negizi mundaı derekter (deldal - esk.) bar. Biz 700-den derekke qatysty ákimshilik is qozǵadyq. Saýdada deldal bolatynyn bilesizder. Et 3 myńnan bastalady, biraq oǵan basqa da shyǵyndar qosylady", - dep jaýap berdi saýda mınıstri Arman Abaıuly.