Almatynyń Alataý aýdanyndaǵy Qarasý kóliniń boıyndaǵy skverdi abattandyrý jumystary aıaqtaldy, - dep habarlaıdy Aqshamnews.kz.
Qazaqstan Respýblıkasy kúnine oraılastyrylǵan jobany iske asyrý osy jyldyń sáýir aıynda bastalǵan edi.
12 myń sharshy metrden astam alańda aýqymdy abattandyrý jumystary júrgizildi. Aýmaq kórkeıtildi, art-nysandar ornatyldy, aryq ótkeli men amfıteatr salyndy. Sondaı-aq, avtomatty sýarý júıesi jabdyqtalyp, kósheni jaryqtandyrý jelileri júrgizildi.
Tabıǵı relefti saqtaýǵa jáne Qarasý kóliniń jaǵalaýyn ekologıalyq jaqsartýǵa erekshe nazar aýdaryldy.
Búginde barlyq jumys aıaqtaldy. Endi mine, skver qala turǵyndary demalatyn zamanaýı qoǵamdyq keńistikke aınaldy.