Qazaqstanda aldaǵy bes jylda tabysty mindetti túrde deklarasıalaý júıesi tolyǵymen joıylýy múmkin.
Bul týraly Májilis kýlýarynda Qarjy vıse-mınıstri Erjan Birjanov málimdedi, - dep habarlaıdy Aqshamnews.kz.
Onyń aıtýynsha, jańa Salyq kodeksinde deklarasıany aldyn ala toltyrý rejımi qarastyrylǵan. Bul júıe azamattardyń salyq mindettemelerin oryndaýyn edáýir jeńildetýge baǵyttalǵan.
"Eger biz baqylaý-kassa mashınalary nemese basqa da derekkózder arqyly aınalymdy kórip otyrsaq, sol negizde deklarasıany avtomatty túrde toltyratyn qyzmet usynamyz. Jalpy, kelesi bes jylda deklarasıany azamattardyń ózderi toltyrýy qajettiligi joıylady dep oılaımyn. Sebebi qazir barlyq málimet ashyq. Tólemderdi de, kiristerdi de kórip otyrmyz, olar bizge jetkizilip otyrady. Basqa organdardan da aqparat túsedi. Sondyqtan bul júıe tarıhı turǵyda mańyzyn joǵaltady", – dedi vıse-mınıstr.