Sonyń biri – Asa aýylynda kishi fýtbol alańy. Osy kúnge deıin Ǵ.Muratbaev kóshesiniń turǵyndary sportpen aınalysý úshin temirjol torabynan ótip, sport keshenderinde jattyqqan. Nysyn qurylysyn "Energy kaz group" mekeme sapaly aıaqtaǵan.
Turǵyndardyń qýanyshyna ortaqtasýǵa kelgen aýdan ákiminiń orynbasary Mahpal Dosymbekova jurtshylyqty Respýblıka kúnimen jáne jańa nysannyń saltanatty ashylýymen quttyqtap, sport salasynda atqarylǵan jumystarǵa toqtalyp ótti.
Ekinshi nysan – Qarataý aýylyndaǵy kishi fýtbol alańy. Aýyl jastary kópten beri aýyl mektebiniń sport zalyn ıgilikke paıdalanyp júrgen. Zamanaýı úlgide, barlyq qajettilikpen qamtylǵan sport alańyn "TOO Ronder" JSHS júrgizgen. Nysannyń ashylýyna aýdan ákiminiń orynbasary Nurlan Nesipbekov qatysty.
Jalpy, Jambyl aýdanynda Respýblıka kúnine oraı 6 eldimekende ámbebap sport keshenderi, kishi fýtbol alańy jáne balalar oıyn alańshasyn el ıgiligine berý josparlanǵan. Onyń ekeýi joǵaryda atalǵan aýyldarda bolsa, 20 qazan kúni Toǵyztaraý aýylynda kishi fýtbol alańy, 23 qazanda Grodekova aýylynda deneshynyqtyrý-saýyqtyrý kesheni, balalar oıyn alańshasy, Qyzyldıhan aýylynda kishi fýtbol alańy, 24 qazanda Aıshabıbi aýylynda ámbebap sport kesheniniń kermesi qıylady.
Jalpy aýdan turǵyndaryna 1 stadıon, 3 sport kesheni, 42 sport zal, 20 úlken fýtbol alańy, 54 kishi fýtbol alańy, 16 basketbol alańshasy, 20 voleıbol alańshasy, 12 strıtvorkaýt, 4 ámbebap alańshasy, ıpodrom, tenıs korty qyzmet kórsetedi.
