Respýblıka kúnine oraı «Bir el» jastary atty shara ótti.
Respýblıka kúnine oraılastyrylǵan sharanyń alǵashqy kúninde ár óńirden jıylǵan 200-ge jýyq stýdent jastar qasıetti óńirdiń tarıhı oryndaryna saıahat jasady, dep habarlaıdy Almaty-akshamy.kz.
Qazaqstan halqy Assambleıasynyń elimizde turatyn etnostardy birtutas ultqa toptastyrý men mádenıetaralyq dıalogty damytýdy murat etken «Bir el» jastar jobasy Ulytaý tórinen bastaldy.
Altyn Orda men Qazaq handary orda tikken mekenderdi aralady. Al búgin Jezqazǵan qalasynda jobanyń plenarlyq otyrysy ótip, jastar kóshpeli ekskýrsıada kóńilge túıgenderin ortaǵa salyp, pikir almasty. Úsh kúnge josparlanǵan joba aıasynda budan bólek sheberlik sabaqtary men trenıńter, motıvasıalyq kezdesýler de ótedi. Túrli etnos ókilderiniń quralǵan kóńildi tapqyrlar komandalary «Dostyq kýbogyn» sarapqa salady.
«Osylaı «Bir el» jobasyna qatysamyz dep kelgen edik. Keshegi kúnnen estelikter óte kóp. Alashahan kesenesine jáne Joshy han kesenesine bardyq. Óte keremet jerler eken», - deıdi qatysýshy Ekaterına Podgornova.
«Qazaqstannyń barlyq óńirinen jastarymyz keldi. 14 etnos ókilderi qatysyp jatyr. Olardyń árbireýi qazaq tilin meńgergen, túsinedi, biledi. Tarıhty bilýge, ony tanytýǵa keıin ózderiniń barǵan soń elderine, jerlerine aıtýǵa nıetti jastarymyz qatysyp jatyr», - deıdi «Qoǵamdyq kelisim» RMM dırektorynyń orynbasary Nurhat Orash.