Atalǵan shtamnyń tasymaldaýshysy bir ret túshkirgende, birden 100-ge jýyq adamǵa ınfeksıa juqtyrýy múmkin eken.
Immýnolog maman Vladımır Bolıbok osylaı dedi, dep habarlaıdy Almaty-akshamy.kz Ria.ru saıtyna silteme jasap.
«Osy ýaqytqa deıin bizde mundaı juqpaly aýrý bolǵan emes. Qyzylsha eń juqpaly aýrý bolyp sanaldy, biraq «omıkron» bul jaǵynan odan da asyp tústi», - dedi Bolıbok.
Onyń aıtýynsha, vırýs aýa tamshylary arqyly óte tez taralady.
«Meniń oıymsha, basqa adamǵa vırýs juqtyrý úshin tipti sóılesý, qarapaıym tynys alý men esineýdiń ózi jetkilikti. Bir adamnyń jótelýi nemese túshkirýi birden júz adamǵa juqtyrýǵa jetip jatyr», - dedi Bolıbok.
Dáriger "omıkronnyń", ásirese, balalar úshin qaýipti ekenin aıtty.