«Arhıv-2025» baǵdarlamasy aıasynda Qazaqstannyń Ulttyq qoljazbalar jáne sırek kitaptar ortalyǵy Reseıden tabylǵan mańyzdy tarıhı qujattyń kóshirmesin jarıalady. Bul týraly QR Mádenıet jáne aqparat mınıstrliginiń baspasóz qyzmeti habarlady.
2022 jyly Máskeýge jasalǵan ǵylymı-zertteý sapary barysynda Ulttyq ortalyqtyń mamandary XVII ǵasyrdyń parsy tilindegi «Tarıh» qoljazbasyn zerttegen. Qoljazbada Qazaq handyǵynyń jáne onyń Shyǵys Túrkistandaǵy moǵol bıleýshilerimen qarym-qatynasy týraly derekter keltirilgen.
Atalǵan kitap Muhammed Haıdar Dýlattyń «Tarıh-ı Rashıdı» eńbeginiń jalǵasy retinde usynylǵan jáne Qazaq handyǵynyń tarıhyn zertteýde erekshe mańyzdy. Qoljazba avtory Shah Mahmýd ıbn Mırza Fazyl Chýras, ol Moǵolstan tarıhy boıynsha birneshe eńbektiń avtory retinde tanylǵan, ári bul qundy derek 30 jylǵa jýyq jazylǵan. Onyń «Tarıh» eńbegi Shyǵys Túrkistan, Qyrǵyzstan, Qazaqstan jáne Orta Azıa halyqtarynyń tarıhy týraly mol málimetterdi qamtıdy.
Qoljazba alǵash ret 1913 jyly Tashkentte Baqı-Janbaıdyń jeke qoljazba qorynan tabylǵan.