Bul másele Astanada ótken otyrysta talqylandy.
Astanada májilis tóraǵasy Erlan Qoshanovtyń qatysýymen Qazaqstan Respýblıkasy parlamenti májilisi men Reseı Federasıasy federaldyq jınalysy memlekettik dýmasy arasyndaǵy yntymaqtastyq jónindegi Palataaralyq parlamenttik komısıasynyń otyrysy ótti, dep habarlaıdy Almaty-akshamy.kz
Kezdesý kezinde Qazaqstan kórshi elde qazaq tilinde oqytatyn 3 mektep salýdy josparlap otyrǵany belgili boldy.
Buǵan deıin Toqaev Qazaqstannyń ońtústiginde 3 orys mektebi salynatynyn aıtqan edi.
Palata spıkeri Reseı Qazaqstannyń senimdi odaqtasy jáne strategıalyq seriktesi ekenin atap ótti.
"Jyl ótken saıyn bizdiń qarym-qatynasymyz tek nyǵaıa túsýde. Buǵan kóshbasshylarymyz Qasym-Jomart Kemeluly Toqaev pen Vladımır Vladımırovıch Pýtınniń arqasynda qol jetkizdik. Memleketter basshylary áriptestikti damýdyń jańa deńgeıine kóterdi. Qazaqstanda halyqtarymyzdyń sanǵasyrlyq dostyǵy erekshe baǵalanady", – dedi Erlan Qoshanov.
Májilis spıkeri Qazaqstan men Reseı arasyndaǵy tatý kórshilik jyldarynda dostyq pen senimdi nyǵaıtýǵa baǵyttalǵan berik sharttyq baza qalyptasqanyn atap ótti.
Sondaı-aq elderimizdi álemdegi eń uzyn shekara baılanystyratynyn aıtyp, byltyr ózara saýda kólemi aıtarlyqtaı óskenine, taýar aınalymynyń shamamen 70 paıyzy óńiraralyq jáne shekara mańy saýdasyna tıesili ekenine nazar aýdardy. Oǵan eki elden myńdaǵan kompanıa men mıllıondaǵan adam tartylǵan.