Jeli qoldanýshylary ınsta-álemmen qosh aıtysýda
Reseıde «Instagram» buǵattaldy. Aqparatqa baqylaý jasaıtyn memlekettik mekeme atalǵan áleýmettik jeliniń el aýmaǵynda taralýyna shekteý qoıdy, dep habarlaıdy Almaty-akshamy.kz 24.kz-ke silteme jasap.
Mundaı sheshimdi qabyldaýǵa «Instagram» basshylyǵynyń reseılikterge qatysty zorlyq-zombylyq kórinisterine ruqsat berýi sebep bolǵan. Kreml "Meta" amerıkalyq korporasıasyn ekstremıstik uıym dep tanydy. Esterińizge sala keteıik, 4 naýryzda Reseı bıligi Facebook paraqshasyn buǵattaǵan bolatyn.
"Bizde talantty adamdar jetip artylady ǵoı. Solar biraz ýaqyttan keıin balama jeliler jasaıdy dep oılaımyn. Onyń ústine bárin aınalyp ótetin VPN bar emes pe?! Endi ári qaraı ne kútýge bolatynyn bilmeımin. Budan birinshi kezekte tabys taýyp kelgen blogerler qatty zardap shegedi. Qatardaǵy adamdardyń esh kinási joq, negizi qarapaıym jurt bulaı qınalmaýy kerek edi".
"Men Instagram, Iýtúb, Feısbýk, ýotsapty belsendi qoldanatyn edim. Sondaı-aq túrli uıaly qosymshalardyń kómegimen mýzykalyq týyndylar jasaıtyn edim. Endi olarmen qosh aıtystym", - dep qarapaıym turǵyndar túrli pikir bildirip jatyr.