Reseı Federasıasynan asa iri mólsherde alaıaqtyq jasaǵan kúdikti ekstradısıalandy, - dep habarlaıdy Aqshamnews.kz tilshisi.
Qazaqstan Respýblıkasy Bas prokýratýrasynyń suraý salýy boıynsha Reseı Federasıasynan búdjet qarajatyn asa iri mólsherde jymqyrdy degen kúdikke ilingen er adam ekstradısıalandy.
Tergeý barysynda bul tulǵa qurylys kompanıasynyń basshysy bola otyryp, 2020 jyldan 2022 jylǵa deıingi aralyqta adamdar tobymen aldyn ala sóz baılasý arqyly jalǵan sharttar jasasyp, affılırlengen kompanıalar arqyly aqsha qarajatyn aýdarý jolymen "Samuryq-Energo" AQ-nyń enshiles uıymynan 8,5 mlrd teńgeden astam búdjet qarajatyn jymqyrǵany anyqtaldy.
Bul qarajat Aqmola oblysynda jel elektr stansıasyn salýǵa arnalǵan bolatyn.
Qylmys jasaǵannan keıin kúdikti jasyrynyp, oǵan halyqaralyq izdeý jarıalanǵan.
Bıyl aqpanda ol Reseı Federasıasynyń aýmaǵynda ustalyp, Qazaqstan Respýblıkasy Bas prokýratýrasynyń suraý salýy boıynsha ony ekstradısıalaý týraly sheshim qabyldandy.
Qazir kúdikti tergeý ızolátoryna qamaldy.
Qylmysqa qatysy bar basqa tulǵalar bıyl mamyrda ártúrli merzimge bas bostandyǵynan aıyrý jazasyna sottaldy.
Qylmystyq zańmen aıyptalǵan áreketti jasaǵany úshin múlki tárkilenip, 5 jyldan 10 jylǵa deıingi merzimge bas bostandyǵynan aıyrý jazasy qarastyrylǵan.
Reseı Federasıasynan asa iri mólsherde alaıaqtyq jasaǵan kúdikti ekstradısıalandy
- 10:05, 22 qyrkúıek 2025
Sýret: almaty-akshamy.kz