Almatyda polısıa AQSH-tan kelgen qylmystyq sálemdemeni anyqtady, - dep habarlaıdy Aqshamnews.kz tilshisi Polisia.kz-ke silteme jasap.
Almaty qalalyq PD esirtki qylmystaryna qarsy kúres basqarmasynyń qyzmetkerleri AQSH-tan kelgen halyqaralyq poshta sálemdemesin qalaǵa jetkizý áreketin áshkerelep, onyń jolyn kesti.
Sálemdemeniń ishinen ósimdik tektes esirtki zatynyń aıtarlyqtaı mólsheri tabyldy.
"Polısıa qyzmetkerleri tyıym salynǵan zattardyń zańsyz aınalymyn anyqtaý jáne jolyn kesý maqsatynda jedel jáne arnaıy is-sharalardy turaqty túrde júrgizip otyrady. Bul - jalǵyz jaǵdaı emes, mundaı derekter buǵan deıin de tirkelgen. Osyndaı quqyqbuzýshylyqtardyń aldyn alý boıynsha júıeli jumystardy jalǵastyramyz. Zań barlyǵyna birdeı, mundaı áreketter úshin jazanyń bultartpastyǵy - jumysymyzdyń basty qaǵıdalarynyń biri, - dedi Almaty qalalyq PD esirtki qylmystaryna qarsy kúres basqarmasynyń bastyǵy Murat Jumabaev.
Bul derek boıynsha sotaldy tergeý bastaldy. Kúdikti qamaýǵa alyndy.