Elimizde qos azamattyqqa tyıym salynǵan.
Reseı prezıdenti Vladımır Pýtınniń Belarýs, Qazaqstan jáne Moldova azamattaryn Reseı azamattyǵyna qabyldaý týraly jarlyǵy Reseı tólqujatyn alýdy jeńildetedi, dep habarlaıdy Almaty-akshamy.kz
Resmı reseılik quqyqtyq aqparat ınternet-portalynda jarıalanǵan jarlyqqa sáıkes, 18 jasqa tolǵan Qazaqstan azamattary Reseı azamattyǵyn kelesi talaptardy oryndamaı-aq ala alady:
turýǵa ruqsat berilgen kúnnen bastap Reseı Federasıasynda turaqty turý;
Reseı tarıhyn jáne Reseı zańnamasynyń negizderin bilý.
Degenmen, qazaqstandyqtar áli de orys tilin meńgergenin dáleldeý kerek bolady. Reseı tólqujatyn alý úshin Qazaqstan Respýblıkasynyń azamattary tıisti ótinishti, turýǵa ruqsatty, ulttyq tólqujatty jáne orys tilin bilýin rastaıtyn qujatty kórsetýi qajet.
Dál osyndaı talaptar Moldova azamattaryna da qatysty bolady. Belarýs azamattary úshin orys tilin bilýin rastaý talaby qosymsha alynyp tastaldy.
"Kommersant" 2023 jyldyń birinshi jartyjyldyǵynda 13 876 qazaqstandyq Reseı azamattyǵyn alǵanyn habarlaıdy. Jalpy qańtardan qazanǵa deıin Reseı azamattyǵyn alǵan sheteldikter sany 46%-ǵa azaıǵan.
2023 jyldyń basynda Reseı Federasıasynyń Memlekettik Dýmasynda qazaqstandyqtar úshin Reseı azamattyǵyn alýdy jeńildetý máselesi talqylandy.