14 mamyrda ótken saılaýdyń birinshi kezeńinde kandıdattardyń eshbiri 50 paıyz daýys jınaı almady
Túrkıa prezıdentin saılaýdyń ekinshi kezeńinde is basyndaǵy prezıdent Rejep Taııp Erdoǵan jeńiske jetti, dep habarlaıdy Almaty-akshamy.kz QazAqparatqa silteme jasap.
«99 paıyzdan astam daýystardy sanaý qorytyndysy boıynsha prezıdent saılaýynyń ekinshi kezeńinde is basyndaǵy memleket basshysy Rejep Taııp Erdoǵan jeńiske jetti», - delingen Túrkıa Joǵary saılaý keńesiniń aqparatynda.
Joǵary saılaý keńesiniń tóraǵasy Ahmet Ienerdiń málimetinshe, 99,43 paız búletenderdi sanaý qorytyndysymen Rejep Taııp Erdoǵan – 52,14 paıyz, Kemal Kylychdaroglý 47,86 paıyz daýys jınady.
Eske salaıyq, jeksenbi, 28 mamyrda, Túrkıada prezıdent saılaýynyń ekinshi kezeńi ótti. Daýys berý ýchaskeleri jergilikti ýaqytpen saǵat 17.00-de (Astana ýaqytymen 20.00-de) jabyldy.
14 mamyrda ótken saılaýdyń birinshi kezeńinde kandıdattardyń eshbiri 50 paıyz daýys jınaı almady: Túrkıanyń is basyndaǵy basshysy Rejep Taııp Erdoǵan – 49,52%, opozısıalyq Halyq-respýblıkalyq partıasynyń kóshbasshysy Kemal Kylychdaroglý – 44,88%, «Aláns ATA» blogynan kandıdat Sınan Ogan – 5,17%, «Otan» partıasynyń ókili Mýharrem Indje 0,43%.
Saılaýdyń ekinshi kezeńinde jeńiske jetý úshin úmitkerler 50 paıyzdan astam daýys jınaýy tıis edi.