Qazaqstandyq FlyArystan áýekompanıasy reısteriniń keshigý sebepterin atap, mundaı jaǵdaılarda jolaýshylarǵa qandaı qoldaý sharalary kórsetiletinin aıtty, - dep habarlaıdy flmaty-akshamy.kz.
Áýetasymaldaýshy reısterdiń keshigýi men toqtatylýyn boldyrmaý úshin barlyq sharany qabyldaıtynyn, ókinishke qaraı, áýekompanıanyń baqylaýynan tys jaǵdaılar da oryn alýy múmkin ekenin aıtty. Atap aıtqanda:
- aýa raıy jaǵdaılary;
- tabıǵı apattar;
- ushaq qozǵaltqyshyna qustardyń túsip ketýi;
- basqa da kútpegen jaǵdaılar.
Mundaı jaǵdaıda jolaýshylarǵa qoldaý retinde kelesi qyzmetter usynylady:
- Reıs statýsy 2 saǵattan artyq ýaqytqa ózgergende - salqyn sýsyndarmen qamtamasyz etiledi;
- Reıs statýsy 4 saǵattan artyq ýaqytqa ózgergende - ystyq tamaq usynylady;
- Reıs statýsy 5 saǵattan artyq ýaqytqa ózgergende, jolaýshylar oryn bolǵan jaǵdaıda jaqyn aradaǵy reıske bir tegin qaıta brondaýdy júzege asyra alady.
Al áýekompanıa kesirinen bolatyn keshigý sebepteri kelesideı bolýy múmkin:
- Óndiristik sebep;
- Tehnıkalyq sebep.
Áýetasymaldaýshy kesirinen reıs statýsy ózgergen jaǵdaıda jolaýshylarǵa tómendegideı qyzmetter usynylýy tıis:
- Jeti jasqa deıingi balamen saıahattaıtyn jolaýshy ana men bala bólmesimen (bolǵan jaǵdaıda) qamtamasyz etiledi;
- Reıs statýsy eki saǵattan artyq ýaqytqa ózgergen jaǵdaıda jolaýshy sýsynmen qamtamasyz etiledi. Sondaı-aq uzaqtyǵy bes mınýttan aspaıtyn eki ret qońyraý shalýǵa (sonyń ishinde halyqaralyq jelige) nemese elektrondy poshta arqyly eki habarlama jiberýge quqyly;
- Reıs statýsy 4 saǵattan artyq ýaqytqa ózgergen jaǵdaıda - ystyq tamaq beriledi;
- Reıs statýsy kúndiz 8 saǵattan artyq jáne túnde 6 saǵattan artyq ýaqytqa ózgergen jaǵdaıda, jolaýshylar qonaq úıge ornalastyrylýǵa tıis. Budan bólek áýejaıdan qonaq úıge deıin jáne keri baǵytta transfermen qamtamasyz etiledi;
- Reıs statýsy 5 saǵattan artyq ýaqytqa ózgergen bolsa, tańdaýyna qaraı jolaýshylar kelesi nusqalardyń birin rásimdeı alady:
- jaqyn aradaǵy reıske bir tegin qaıta brondaý - oryndar bolǵan jaǵdaıda;
- qaıta brondaý múmkin bolmasa, bılet quny tolyq qaıtarylady.
Qyzmet alý úshin jolaýshylar áýejaıdaǵy áýekompanıa ókilderine júginýi qajet. Eger jolaýshylar tıisti ókilderge júgine almasa, áýekompanıa tólemdi rastaıtyn qujattardy usynǵanǵan jaǵdaıda, qonaqúı jáne tamaqtaný shyǵyndaryn óteýge daıyn ekenin jetkizdi.