Referendýmnyń aldyn ala qorytyndysy jarıalandy
QR Ortalyq referendým komısıasynyń tóraǵasy Nurlan Ábdirov referendýmnyń aldyn ala qorytyndysyn jarıalady dep habarlaıdy Almaty-akshamy.kz
Spıker keltirgen málimetterge súıensek, 2022 jylǵy 6 maýsymda tańǵy 08.00-degi jaǵdaı boıynsha elimizdiń barlyq óńirlerindegi jáne shet elderdegi referendýmnyń 10012 ýchaskesinde daýystardy sanaý aıaqtaldy.
Referendýmǵa qatysý quqyǵy bar Qazaqstan Respýblıkasy azamattarynyń jalpy sany 11 mıllıon 734 myń 642 adamdy qurady. Daýys berýge qatysqan azamattardyń sany 7 mıllıon 986 myń 293 adamdy nemese referendýmǵa qatysý quqyǵy bar azamattar sanynyń 68,06%-yn qurady. Referendýmǵa qoıylǵan máseleniń oń sheshimin jaqtap daýys bergen azamattardyń sany elimizdiń barlyq óńirlerinde daýys berýge qatysqandardyń 77,18 paıyzyn nemese 6 mıllıon 163 myń 863 adamdy qurady.
Konstıtýsıalyq túzetýlerge qarsy daýys bergen azamattardyń sany -18,66 paıyz nemese daýys berýge qatysqandar sanynyń 1 mıllıon 490 myń 475 adamyn quraıdy.
Jaýaptardyń eki nusqasy da tańdap alynǵan, ıaǵnı jaramdy dep tanylǵan, alaıda daýystardy sanaý kezinde eskerilmeıtin búletender sany – 1,58%-dy nemese 125 myń 859 búletendi qurady. Daýys berýshilerdiń erik bildirýin anyqtaý múmkin bolmaıtyn jáne jaramsyz dep tanylǵan, belgilenbegen úlgidegi búletender sany 2,58% - dy nemese 206 myń 096 búletendi qurady.
Respýblıkalyq referendýmnyń qorytyndylary Qazaqstan Respýblıkasy Ortalyq referendým komısıasynyń otyrysynda belgilenetin bolady.