Osyǵan baılanysty Aqparat jáne qoǵamdyq damý mınıstrligi «Respýblıkalyq referendým týraly» Konstıtýsıalyq zańynyń 7-babynyń 4-tarmaǵyna sáıkes, referendým qarsańyndaǵy kún men referendým ótetin kúni kez kelgen úgit júrgizýge tyıym salynatynyn eske salady.

Osylaısha, 2022 jylǵy 4 jáne 5 maýsymda buqaralyq aqparat quraldarynda, onyń ishinde ınternette referendým boıynsha úgit júrgizýge tyıym salynady.

«Úgit» uǵymynyń mánin jáne mazmunyn negizge ala otyryp, referendýmǵa shyǵarylǵan suraqqa  saılaýshylardy «kelisemin» nemese «qarsymyn» dep daýys berýge túrtki bolatyn materıaldar úgit materıaldary retinde  qarastyrylatyn bolady.

Bul rette, atalǵan buzýshylyqqa jol bergen jeke tulǵalar da, zańdy tulǵalar da, sonyń ishinde áleýmettik jelilerdi paıdalanýshylar da ákimshilik jaýapkershilikke tartylýy múmkin.Internet-resýrstarda buryn jarıalanǵan úgit materıaldar bastapqy oryndarynda saqtalýyna jol beriledi, olardy saıttyń basty betinde shyǵarýǵa tyıym salynady.

Sondaı-aq, referendýmdy ótkizý kúni, sharttary, daýys berý tártibi, onyń ishinde jarnamalyq bannerler, referendýmǵa deıingi kúnderdi keri sanaý jáne t.b. týraly túsindirme sıpattaǵy buryn jarıalanǵan aqparattyq materıaldar ınternet-resýrstar men telearnalarda olardyń bastapqy oryndarynda saqtalýyna jol beriledi.