5 maýsymda respýblıkalyq referendým ótkiziledi.
Qarjy mınıstri Erulan Jamaýbaevtyń aıtýynsha, konstıtýsıalyq reformaǵa qatysty ótetin respýblıkalyq referendým ótkizýge qansha qarajat bólinetinin belgili boldy, dep habarlaıdy Almaty-akshamy.kz
«Konstıtýsıalyq referendým ótkizýge respýblıkalyq búdjetten 16 mlrd 400 mln teńge bólinedi. Ortalyq saılaý komısıasy tıisti esep-qısapty usyndy. Búgin Úkimet osyǵan baılanysty Qaýly qabyldady. Qarjy respýblıkalyq búdjetten, Úkimet rezervinen bólinedi», - dedi Erulan Jamaýbaev.
Ótken aptada Ortalyq referendým komısıasy belsendi saılaý quqyǵyna ıe Qazaqstan azamattaryna úndeý jasady. QR Prezıdenti Qasym-Jomart Toqaev 5 maýsymda respýblıkalyq referendým ótkizý týraly Jarlyqqa qol qoıdy.