Búgin elorda ýaqyty boıynsha tańǵy saǵat 7.00-den bastap daýys berý bastaldy.
Saılaý ýchaskeleri 20:00-de jabylady, dep habarlaıdy Almaty-akshamy.kz
Referendýmǵa 18 jasqa tolǵan qazaqstandyqtar qatysa alady. Jalpy tizimge 11,7 mıllıon adam engizildi. Sot áreketke qabiletsiz dep tanyǵan, sondaı-aq sot úkimi boıynsha bas bostandyǵynan aıyrý oryndarynda júrgen azamattardyń daýys berýge quqyǵy joq.
Túzetýler qabyldansa, Qazaqstan Konstıtýsıasy altynshy ret ózgertilmek. Ata zańymyz 1995 jyly 30 tamyzda qabyldandy. 1998, 2007, 2011, 2017 jáne 2019 jyldary Konstıtýsıaǵa ózgerister men tolyqtyrýlar engizildi. Barlyǵy 93 túzetý engizilgen.