Keshe Prezıdentimiz Qasym-Jomart Kemeluly Toqaev referendým qorytyndysy boıynsha Qazaqstan halqyna úndeý jasady.
Bul týraly «AMANAT» partıasy Almaty qalalyq shtabynyń múshesi Almaty qalasy máslıhatynyń depýtaty Bolat Sadyqov aıtty, dep habarlaıdy Almaty-akshamy.kz.
Ata Zańymyzǵa usynylǵan ózgeristerdi azamattardyń basym kópshiligi qoldap, referendým ashyq ári demokratıalyq úrdisterdiń saqtalýymen ótti.
Referendým qorytyndysy talassyz ári Qazaqstan halqynyń ádil Prezıdent, yqpaldy Parlament pen esep beretin Úkimeti bar memleketti basqaraýdyń jańa modelin qurý baǵytyn qoldaıtynyn aıǵaqtaıdy.
Biz úshin damýdyń jalǵyz ǵana joly bar. Ol – demokratıalyq jol. Tek demokratıalyq júıede ǵana qoǵamnyń árbir múshesi memlekettik saıasatty qalyptastyrýda teń quqyqqa ıe bola alady.
Endi bizdiń aldymyzda ashyq ári ádiletti qoǵam men ekonomıkany quryp, zańnamaǵa reforma júrgizý mindeti tur.
Ata zańǵa ózgerister engizý reformalarymyzdyń sońǵy satysyn emes, alǵashqy berik tuǵyryn bildiredi. Jańartylǵan Konstıtýsıa negizinde bıliktiń barlyq ınstıtýty qyzmetiniń meılinshe tıimdi modelin qalyptastyrady.
Dáıekti saıası jańǵyrý ulttyq ekonomıkany damytýǵa, ulttyq kásipkerlikti nyǵaıtýǵa yqpal etedi.
Qazaqstannyń damýy men birligin oılaǵan Prezıdentimizdiń el bolashaǵy úshin alǵa qoıǵan maqsattaryn júzege asyryp, aıanbaı eńbek etetinine kámil senemiz. Biz Memleket Basshysynyń saıası baǵdaryn qoldap, Jańa Qazaqstannyń berik negizin qalaýǵa toptasyp, bar kúsh-jigerimizdi salýymyz qajet.
Demek, elimiz úshin, keleshek urpaqtyń taǵdyry úshin aıanbaı eńbek etip, ter tókkennen artyq baqyt joq.
AMANAT partıasy Prezıdenttiń saıasatyn júzege asyratyn basty saıası kúsh bolyp tabylady.