Madrıdtiń «Realy» ÝEFA Sýperkýbogy úshin ótken machta jeńiske jetip, týrnır tarıhyndaǵy eń tıtýldy klýbqa aınaldy, dep habarlaıdy aqshamnews.kz
Machtyń basty ıntrıgasy - Kılıan Mbappeniń madrıdtik komanda úshin alǵash ret alańǵa shyǵýy boldy. Fransýz shabýylshysy negizgi quramda oınady.
«Real» men «Atalanta» komandalarynyń quramy:
«Real» quramy: Kýrtýa, Karvahal (Sebalos, 88), Mılıtao, Rúdıger, Mendı, Valverde, Bellıngem (Gúler, 88), Chýamenı, Vınısıýs (Vaskes, 88), Mbappe (Dıas, 83), Rodrıgo (Modrıch, 76).
«Atalanta» quramy: Mýso, Djımsıtı, Hın (Palestra, 90), Kolashınas (Bakker, 71), Dzappakosta (Godfrı, 62), Ederson, de Ron, Rýdjerı, De Ketelare (Retegı, 62), Pashalıch (Mansonı, 90), Lýkman.
Birinshi taımda komandalar ashyq oınady, biraq bir-biriniń qaqpasyna gol sala almady. Eki komanda da birdeı qaýipti sátter jasady: Eder Mılıtao óz qaqpasyna gol soǵyp qoıa jazdady, al Rodrıgo «Atalantanyń» qaqpasyna kúshti soqqy jasady.
Birinshi taımnyń nátıjesi - 0:0.
Ekinshi taımda «Real» jyldamdyǵyn arttyryp, ıtalándyqtardyń qorǵanysy buzyldy. 59-mınýtta Federıko Valverde Vınısıýstyń pasyn qabyldap, dál soqqymen kombınasıany aıaqtady.
10 mınýttan keıin Kılıan Mbappe de gol saldy: fransýz shabýylshysy Bellıngemniń aıyp alańynan bergen pasyn sátti paıdalandy.
Machtyń nátıjesi - madrıdtik «Realdyń» paıdasyna 2:0. sheshildi
Aıta keteıik, ıspandyq klýb ÝEFA Sýperkýbogyn alty ret jeńip alǵan alǵashqy komanda boldy. Buǵan deıin «Real» «Mılan» jáne «Barselona» klýbtarymen birge bes tıtýlǵa ıe bolatyn.