"Real" brazılıalyq shabýylshy Rodrıgony satqysy keledi. Bul týraly sport.es basylymy málim etti, dep habarlaıdy almaty-akshamy.kz.
Madrıdtik klýb basshylyǵy fýtbolshynyń suhbatyn umytar emes. Ol Chempıondar lıgasynyń fınaly aldyndaǵy bir sózinde "Manchester Sıtıdi" úzdik komanda dep ataǵan edi.
Keı basylymdar muny Rodrıgonyń jaıdan jaı aıtpaǵanyn jazýda. Sebebi shabýylshy negizgi quramdaǵy ornynan aıyrylsa, basqa komandaǵa aýysqandy jón kóredi.
"Koróldik klýb" talantty oıynshyny 150 mln eýro usynǵan klýbqa satýǵa bekinip otyr.
Rodrıgo ótken maýsymda 51 machqa qatysyp, 17 gol soqty. Komandamen qazirgi kelisimsharty 2028 jyldyń jazyna deıin jaramdy.