Almatynyń Naýryzbaı aýdanynda gazben jabdyqtaýdyń jańa magıstraldyq jelisi salynyp jatyr
Megapolıs basshysy Erbolat Dosaev jumys sapary barysynda Almatynyń Naýryzbaı aýdanynda gazben jabdyqtaýdyń magıstraldyq jeliniń qurylys barysymen tanysty, dep habarlaıdy almaty-akshamy.kz
Energetıka jáne sýmen jabdyqtaý basqarmasynyń tapsyrysymen qarqyndy damyp kele jatqan Naýryzbaı aýdanynda uzyndyǵy 6,7 km jańa joǵary qysymdy gaz qubyry salynady.
Bıyl aqpanda merdiger «Akbars stroy Ltd» JSHS-men shart jasaldy.
Almaty ákimine jumystardyń jospar boıynsha júrgizilip jatqany baıandaldy: qazir «Alma City» TÚK aýmaǵynda 168 m qubyr tóseldi, Alataý dańǵylynda transheıalyq jumystar júrgizilýde, onda 825 m qubyr tóseldi, Sábdenov kóshesinde tesý ádisimen 96 m gaz qubyry tartyldy.
Erbolat Dosaev bolashaqta irkilisterdi boldyrmaý úshin aýdannyń bolashaǵy zor qurylysyn eskere otyryp, gazben jabdyqtaý jelilerin salý qajettigin atap ótti.
Jańa magıstraldyq gaz qubyryn iske qosý jeke jetkizýshi qyzmet kórsetken qalaǵa qosylǵan aýmaq turǵyndarynyń kópjyldyq máselesin sheshedi.
Sondaı-aq, «Alma City», «Elim-aı 4» TÚK, «Elıseı alańdary» KQ jáne bolashaǵy zor qurylys syndy jańa qurylystardaǵy 3 myń adam turaqty gazben qamtylady.
Qurylys 2024 jyldyń qazan aıynda aıaqtalady dep boljanyp otyr.
Jalpy, Almatyda gaz tartý deńgeıi 99,4%.