Madrıdtik "Real" fýtbolshylary Almaty áýejaıyna qondy. 30 qyrkúıekte olar almatylyq "Qaıratpen" Chempıondar lıgasyndaǵy oıynyn ótkizedi, - dep habarlaıdy aqshamnews.kz tilshisi.
Fýtbol jankúıerleri áýejaıǵa ushaq qonǵanǵa deıin jınalyp úlgergen. Fýtbolshylar ushaqtan túsip, qonaqúıge bettedi. Olar birneshe aq avtobýsqa mindi.
Jankúıerler áýejaı men sportshylar turaqtaıtyn qonaqúıdiń aldynda jınalyp tur. Olar áleýmettik jelide tikeleı efır ashyp, áserin bólisip jatyr.
Bolat Aıtmolda
Áýejaı ǵımaraty men onyń mańy polısıanyń qatań baqylaýynda.
"Real Madrıdtiń" Almatyǵa reısin 22 myńnan asa adam baqylaǵan. Bul Flight Radar servısindegi eń tanymal reıs boldy.
Buǵan deıin madrıdtik "Real" "Qaıratqa" qarsy oınaıtyn quram tizimin jarıalaǵan bolatyn. Osy ushaqpen birge "Real Madrıd" jankúıerleri de ushyp keldi.
Aıta keteıik, Almatyǵa Trent Aleksandr-Arnold, Antonıo Rúdıger, Ferlan Mendı, Danıel Karvahal jáne Eder Mılıtao kelmedi. Olar jaraqat alǵan oıynshylar tiziminde.
Eske salaıyq, bıylǵy maýsymda "Qaırat" óz tarıhynda alǵash ret Chempıondar lıgasyna qatysyp otyr. Almaty komandasynyń eldegi alǵashqy machi 30 qyrkúıekte saǵat 21:45-te madrıdtik "Realǵa" qarsy ótedi.