Almatyǵa 60 elden 1 400 júgírushí mausymnyń eń írí jarysyna keldí. Būl 14 jyl íshínde marafon tarıhyndaǵy sheteldík qatysushylar sany jónínen rekord jańartty.
Aıta keteıík, Almaty Marathon Almaty qalasy ákímdígíníń qoldauymen óttí.
Almaty Marathon 2025 rekordtyq túrde 16 149 qatysushyny jınady. Júgírushílerdíń kópshílígí jergílíktí tūrǵyndar (14 785), bíraq basqa qalalar men elderden kelgen qatysushylardyń úlesí jyl saıyn artyp keledí. Bıyl 1 383 sheteldík (qatysushylardyń 8 paıyzdan astamy) marafonǵa arnaıy keldí. Marafonǵa qatysqan úzdík 3 el: Reseı (513), Qyrǵyzstan (180) jáne Qytaı (142). Ís-sharaǵa Azıya jáne Tynyq mūhıt óńírínen (226), Europa (166), Soltústík jáne Latyn Amerıkasy (40), Afrıka (3) jáne Tayau Shyǵys (93) aımaqtarynyń azamattary qatysty.
«Almaty Marathon sıyaqty ís-sharalar halyqaralyq sertıfıkattar, jaqsy ınfraqūrylym jáne jergílíktí bíregeı kóríktí jerler turısterdí tartady. 2019-2023 jyldardaǵy Almaty Marathon saraptamalyq zertteuíne sáıkes, 1000 qatysushy 7,9 mln teńgege satylym jasady. Būl somanyń 39%, aqshany marafonǵa kelgen turıster jūmsaıdy, olardyń 79,3%-y qaıta oraludy josparlap otyr»,- dedí «Bírínshí bolu batyldyq» qory qamqorshylyq keńesíníń tóraǵasy Ǵalymjan Esenov.
Marafon sonymen qatar ekonomıkanyń damuyna serpín beredí. Almaty Marathon seríktesteríníń salyq audarymdary 4 jyl íshínde 318,9 mln teńgeden 873,9 mln teńgege deıín óstí. Írí sporttyq ís-shara ótkízílgen jyldary qalada jańa ShOB nysandary men jūmys oryndary ashyldy.