Qalalyq kardıologıalyq ortalyqta 29 qyrkúıekte atalyp ótetin Dúnıejúzilik júrek kúnine oraı Ashyq esik kúni ótti.
Bul kúni ortalyqqa shamamen 250 adam júgindi. Kelýshilerge júrektiń últradybystyq zertteýi, EKG jáne kardıologtyń konsýltasıasy júrgizildi.
Qazaqstanda jyl saıyn júrek-qantamyr aýrýlary ólim-jitimniń jáne ómir sapasynyń tómendeýiniń negizgi sebebiniń biri bolyp qala beredi. Mine, birneshe statısıkalyq derek:
Qazaqstanda jyl saıyn 40 myńnan astam adam júrek-qantamyr aýrýynan kóz jumady.
Júrek-qantamyr aýrýlarynyń anyqtalýynyń jaqsarǵany qýantady. Óıtkeni júrek pen qan tamyry aýrýlary álem boıynsha ólim-jitimniń birinshi sebebi. Qazaqstanda da jaǵdaı soǵan uqsas.
Osyndaı naýqan tek tegin tekserýden ótýge ǵana emes, árkimge óz densaýlyǵyn júıeli baqylaýdyń mańyzyn eske salýǵa múmkindik beredi. Sebebi ýaqtyly dıagnostıka men profılaktıka júrekti saý saqtap, belsendi ómirdi uzartady.