Qasıetti Ramazan aıynyń alǵashqy on kúndiginde nurly Mádınadaǵy Paıǵambar meshitine 10 mln-ǵa tarta adam bas suqqan, dep habarlaıdy Almaty-akshamy.kz
Haram meshiti men Paıǵambar meshitiniń isteri jónindegi bas basqarmanyń keltirgen deregi boıynsha Ramazannyń alǵashqy on kúninde Paıǵambar meshitinde 9 818 474 musylman bolǵan.
Statısıkalyq málimetke sáıkes Muhammed paıǵambardyń (s.ǵ.s.) qabirin zıarat etkenderdiń qarasy 739 702 adam bolsa, ımamdar men ýaǵyzshylar tarapynan rýhanı baǵyt-baǵdar alyp, dinı keńes alǵan dindarlar sany 132 893 adamǵa jetken. Ramazan aıynyń alǵashqy 10 kúninde Paıǵambar meshitinde 195 800 quty zámzám sýy taratylsa, ǵıbadat ǵımaratynyń arnaıy bólingen jerlerinde oraza ustaǵandarǵa 2 908 530 aýyzashar dastarhany taratyldy.