Almaly aýdanynda Raıymbek dańǵylynyń bir ýchaskesindegi qozǵalys ýaqytsha shekteledi
Almatynyń Almaly aýdanynda 30 mamyr kúni saǵat 23:00-den 31 mamyrdaǵy saǵat 08:00-ge deıin Raıymbek dańǵylynda Emsov kóshesinen N. Tilendıev kóshesine deıin shyǵys baǵytta kólik qozǵalysy ishinara shekteledi. Al batys baǵyttaǵy qozǵalys ashyq qalady.
Jabdyqtaý jelilerin aldaǵy jylytý maýsymyna daıyndaý ári 1982 jyldan beri jumys jasap kele jatqan magıstraldyq qubyr ýchaskesinde jóndeý jumystarynyń qaýipsizdigin qamtamasyz etý úshin ýaqytsha shekteýler engiziledi.
Eske salsaq,qozǵalystardy shekteýge qatysty barlyq aqparat Almaty.kz saıtynda, @AlmatyJoly Telegram-arnasynda, aýdandyq ákimdikter men basqarmalardyń áleýmettik jelilerinde, sondaı-aq «2GIS» jáne «Iandeks kartalar» servısterinde jarıalanǵan.
Ýaqytsha qolaısyzdyqtarǵa túsinistikpen qaraýdy ótinemiz.
«Almaty jylý jelileri» JSHS