Jylý jelilerin rekonstrýksıalaýǵa baılanysty 28 shilde saǵat 00:00-den 10 tamyzǵa deıin Almaty qalasynyń Jetisý aýdanynda Raıymbek dańǵyly boıynda Baızaqov kóshesinen Kazakov kóshesine deıin batys baǵytta avtomotokólik qozǵalysy jabylady.
Keptelisti azaıtý úshin bul aýmaqta reversıvti qozǵalys úshin ýaqytsha jolaq bólinedi. Revers - bul joldardaǵy qozǵalys baǵyty kerisinshe ózgerýi múmkin arnaıy jolaq.
Buǵan qosa, kún saıyn saǵat 15:00-den 19:00-ge deıin jylý jelilerin jańǵyrtý jónindegi jumystardy júrgizý ýaqytynda jol qozǵalysyna qosymsha baqylaý sharalary qoldanylady.
Almaty ákimi Erbolat Dosaevtyń tapsyrmasyna sáıkes, qurylysshylar dańǵyldyń asfált jabynyn qalpyna keltirýdegi barlyq jumysty oqý jyly bastalǵanǵa deıin aıaqtaıdy.
Merdiger qurylys uıymy jylý magıstralin rekonstrýksıalaýdy táýlik boıy, kidirissiz júrgizedi. Bul úshin qurylǵan brıgadalar oryndalǵan jumystardyń sapasyn barynsha qamtamasyz etip, nysanda birneshe aýysymda jumys isteıdi.
Aldaǵy jylytý maýsymyna daıyndyq aıasynda atalǵan joldyń astyndaǵy qubyrda josparly jumys júrgizý kezinde qaýipsizdikti qamtamasyz etý úshin ýaqytsha shekteýler engiziledi.
Májbúrli qolaısyzdyqtarǵa túsinistikpen qaraýdy jáne kórsetilgen ýchaskeni aınalyp ótý joldaryn aldyn ala qarastyrýdy suraımyz.
«Almaty jylý jelileri»JSHS