Raıymbek dańǵyly boıyndaǵy úı modernızasıalaý baǵdarlamasynyń nátıjesinde jańardy

Avtor Aqshamnews.kz
15:38, 26 mamyr 2025

Almaty qalasy ákimdigi

Raıymbek dańǵyly, 206 «K» úıiniń turǵyndary qazir jańartylǵan jáne jaıly úıde turady. Munyń bári 2023-2029 jyldarǵa arnalǵan turǵyn úı-kommýnaldyq ınfraqurylymdy damytý tujyrymdamalary aıasynda ınjenerlik jelilerdi, shatyrdy kúrdeli jóndeýdiń jáne lıftterdi aýystyrýdyń nátıjesinde múmkin boldy.

Ne jasaldy:

- barlyq ınjenerlik jeliler aýystyryldy (ystyq jáne sýyq sýmen jabdyqtaý, jylytý, káriz);

- shatyr jóndeldi;

- yńǵaıly sıfrlyq basqarýmen jańa lıftter ornatyldy.

Turǵyndardyń ózderi aıtady:

Elmıra Nartbaeva, múlik ıeleriniń birlestiginiń tóraǵasy:

«Endigide lıftimiz jańa turǵyn úılerdegideı: onyń qaıda jáne qalaı kóterilgenin baqylap otyrýǵa bolady. Barlyǵy túsinikti, yńǵaıly, ádemi. «Turǵyn Úı», rahmet!».

Qaldybaı Tashkenbaev, turǵyn:

«Shatyr jóndeldi, qubyrlar men elektr jelileri aýystyryldy, kireberis óte ádemi! Lıft – jańa, zamanaýı. Kóp rahmet!»

Barlyq jumystar bekitilgen jobalaý-smetalyq qujattamaǵa qatań sáıkes júrgizildi jáne qabyldandy. Turǵyn úıdi jańǵyrtý baǵdarlamasynyń artyqshylyqtary:

* 7 jyldan 15 jylǵa deıin bólip tóleý.

* Paıyzdar eseptelmeıdi.

* Oryndalǵan jumystarǵa kepildik merzimi – 24 aı.

* Úıdiń jaǵdaıyn jaqsartý, komýnaldyq shyǵyndardy azaıtý, páterlerdiń naryqtyq qunyn arttyrý.

Turǵyn úı qoryn jańǵyrtý baǵdarlamasyna qalaı qatysýǵa bolady?

Qatysý úshin qajetti qujattar?

1. 1 aldyn ala smetany jáne aqaýly aktini ázirleýge basqarý organynan ótinish.

2. Jalpy jınalys hattamasy. (menshik ıeleriniń 51%-dan astamynyń kelisimimen).

3. Bekitilgen aqaýly akt jáne aldyn ala smetalyq esep.

4. Páterge menshik quqyǵy týraly bastamashyl toptan anyqtama.

5. Páterler men turǵyn emes úı-jaılardyń alańdary.

6. Basqarý organynyń quryltaı qujattary jáne qatysýshy úıge qyzmet kórsetý quqyǵyn rastaý (hattama, shart, senimhat).