Almatydaǵy qoǵamdyq keńestiń tóraǵasy, akademık, profesor, "Turan" ýnıversıtetiniń rektory Rahman Alshanov qazaqstandyqtardy Astana kúnimen quttyqtady.
R. Alshanov Astana - barsha halyqtyń jetistigi deı kele, Elbasymyz – Tuńǵysh Prezıdent N. Nazarbaevtyń bastamasymen paıda bolǵan Nur-Sultan qalasyna degen súıispenshiligi týraly aıtty.
"Qazaqstandy búkil álem biledi. Biz maqtan tutatyn nárse bar, jastar tarıhty bilýi kerek. Astananyń janynda arheologtar ejelgi shaǵyn Bozaq qalasyn qazyp jatyr. Sol jyldan beri búgingi Astanaǵa deıin halqymyz úlken serpilis jasady", — dedi ol.
"Táýelsiz memlekettiń jańa astanasynyń qurylysy barlyq qazaqstandyqtar úshin syn-tegeýringe aınaldy. Astana Qazaqstannyń damyǵan elderiniń qataryna qosylýynyń jarqyn materıaldyq mysaly. Biz muny birge jasaı alamyz. Nur-Sultan - barsha halqymyzdyń jetistigi. Almatylyqtar jańa astanaǵa alǵashqylardyń biri bolyp kelip, onyń qalyptasýyna óz úlesin qosqanyn atap ótý qajet. Sáýletshiler men qurylysshylar, muǵalimder men dárigerler onyń damýy úshin ıgilikti sharýa jasaýǵa tyrysty. Almaty – búdjeti jaǵynan respýblıkadaǵy eń iri qala. Nur-Sultan da qazynany toltyrýǵa óz úlesin qosýda. Qalanyń bolashaǵy zor, ol bizdi uly jetistikterge, uly erlikterge jeteleıdi dep senemin", – dedi qoǵamdyq keńestiń tóraǵasy R. Alshanov.