QR Jas sýretshiler odaǵynyń «Myń boıaýly qala» kórmesi
Bıylǵy qyrkúıek aıynda Almaty qalasy kúnine oraı jas sýretshilerdiń «Myń boıaýly qala» atty plener-baıqaý ótkizilgen bolatyn. Osy baıqaýǵa qatysqan qylqalam sheberleriniń kórmesiniń ashylýy 2022 jylǵy 1 jeltoqsanda Almaty qalasy tarıhy mýzeıinde ótedi, dep habarlaıdy Almaty-akshamy.kz7
Atalmysh jobany Jas sýretshiler odaǵymen birlese otyryp, Almaty qalasy mádenıet basqarmasynyń qoldaýymen Almaty qalasy mýzeıler birlestigi júzege asyrǵan bolatyn. Jas sýretshilerdi qoldaý jáne elimizdegi beıneleý ónerin damytý maqsatynda uıymdastyrylǵan plener-baıqaýǵa 35 jasqa deıingi 60 kásibı sýretshi qatysty.
Kórmege baıqaýda oza shapqan 30 jumys kórermen nazaryna usynylady. Ártúrli janr men tehnıkada jazylǵan jumystar – bir plener aıasynda maıly boıaýmen árlengen óner týyndylary, Almatynyń myń boıaýly qurama portreti.
Peızaj ben abstraksıa, realızmniń qatal zańdylyqtaryna baǵyna otyryp jasalǵan jumystar sýretshiniń jeke qoltańbasyn qoldanýǵa kedergi keltirmeıdi.
Jas sýretshiler shyǵarmashylyǵy – óz stılin, ónerdegi óz órnegin izdeýdiń aıqyn kórinisi.
Kórme jeltoqsanǵa deıin jalǵasady.
Ótetin orny men ýaqyty: Almaty q., Qabanbaı batyr k., 132
Kórmege asyǵyńyz, aǵaıyn!