Qazaqstanda qyzylsha boıynsha qolaısyz epıdemıologıalyq jaǵdaı qalyptasty. Jyl basynan beri qyzylshanyń 12 671 jaǵdaıy tirkeldi, onyń ishinde 10 563 naýqas - 14 jasqa deıingi balalar, jasóspirimder – 354, eresekter – 1 754, dep habarlaıdy almaty-akshamy.kz Kazinform-ge silteme jasap.
70% nemese 8 866 jaǵdaı — vaksına almaǵan balalar.
Onyń ishinde vaksınasıadan bas tartý sebebinen — 5 286, medısınalyq qarsy kórsetilim — 1 555, egý jasyna jetpeý — 1 930, ózge sebepter — 93.
Taǵy 16% nemese 2 062 jaǵdaı — belgisiz vaksınasıa mártebesi bar adamdar.
Qyzylsha eldiń barlyq óńirinde kóptep tirkelip jatyr.
Qyzylshamen syrqattaný boıynsha epıdemıologıalyq jaǵdaıdy turaqtandyrý úshin shuǵyl den qoıý sharalary qabyldanady.
Osylaısha 1 qarashada bas memlekettik sanıtar qyzylshaǵa qarsy ekpe naýqanyn bastaý jóninde arnaıy qaýly shyǵardy.
Kórsetilgen qaýlyǵa sáıkes 6 qarashadan bastap qyzylshaǵa, qyzamyqqa jáne parotıtke (QKP) qarsy 6-11 aılyq balalarǵa, jeltoqsannan bastap — qyzylshanyń egý mártebesine qaramastan 2-4 jasar balalarǵa qosymsha jappaı ımmýndaý jasalady.