Qolaısyz ekologıalyq jaǵdaıda ómir súrgeni úshin óńir turǵyndaryna jalaqyǵa qosymsha otyzdan elý paıyzǵa deıin ústemaqy tólenýi kerek.
Qyzylorda oblysynda eńbek zańnamasynyń saqtalýyna prokýrorlyq tekserý júrgizildi, dep habarlaıdy Almaty-akshamy.kz
Teskeris nátıjesinde 38 myńnan astam jergilikti jumysshynyń jalaqysyna ekologıalyq ústemaqy qosylmaǵany anyqtalǵan.
"Zańǵa sáıkes, qolaısyz ekologıalyq jaǵdaıda ómir súrgeni úshin óńir turǵyndaryna jalaqyǵa otyzdan elý paıyzǵa deıin ústemaqy tólenedi. Biraq sońǵy úsh jylda 38 820 azamattyń jalaqysyna 3,9 mıllıard teńge ekologıalyq ústemaqy tólenbegeni anyqtaldy", - dedi oblystyq prokýratýra.
Prokýratýra oblys ákimine qadaǵalaý aktisin jibergen.
"Osyǵan baılanysty Qyzylorda oblysynyń ákimi Nurlybek Nálibaevtyń atyna quqyqtary buzylǵan azamattarǵa ekologıalyq ústemaqy tóleýdi qamtamasyz etý týraly qadaǵalaý aktisi engizildi. Qazirgi kúni 12 925 jumysshyǵa 1,1 mıllıard teńge somasynda ústemaqy tólendi", - deıdi vedomstvo.
Olqylyqqa jol bergen jaýapty mamandar men jumyspen qamtý ortalyqtarynyń dırektorlary tártiptik jaýapqa tartyldy.