Qyzylorda oblysy boıynsha 5 aýyldyq okrýgte ákim saılaýy ótti. Olardyń qatarynda Aral aýdanynyń Atanshı, Qazaly aýdanynyń Basyqara, Syrdarıa aýdanynyń Aıdarly, Shıeli aýdanynyń Kerdeli, Qyzylorda qalasynyń Qyzyljarma aýyldary bar.
Atalǵan eldimekenderde saǵat 7.00-den №3, 82, 171, 298, 172, 254, 370 saılaý ýchaskesi ashyldy. Ákim qyzmetine nıetti azamattardyń basym bóligi saıası naýqanǵa ózin-ózi usyný tártibimen túsken.
Aýyldyq okrýgte 246 saılaýshy tirkelse, Basyqarada 706, Aıdarlyda 827, Kerdelide 1687 saılaýshy bar. Al, Qyzyljarma aýyldyq okrýginde 6297 saılaýshy tirkelgen.
Jalpy alǵanda, 5 aýyldyń ákimi bolýǵa nıetti barlyǵy 13 kandıdat saılaýǵa tústi. Olardyń 10-y ózin-ózi usyný jolymen saılaýǵa tússe, 3 kandıdat partıa atynan usynylǵan.