Qyzylorda oblysynda mas júrgizýshiler azaımaı tur, dep habarlaıdy Almaty-akshamy.kz Polisia.kz silteme jasap.
Qyzylorda oblysy polısıa departamentiniń Shıeli aýdandyq polısıa bóliminiń qyzmetkerleri jumys atqarý barysynda saǵat 08:45 shamasynda Shıeli kentiniń ortalyq kósheleriniń birinde jeńil kólik júrgizýshisiniń ishimdik iship, rólge otyrǵandyǵyn anyqtady.
Júrgizýshi sol jerden aýdandyq narkologıa ortalyǵyna jetkizilip, medısınalyq tekserýden ótkizildi. Kólik aıyp turaqqa qoıylǵan.
Medısınalyq kýálandyrýdyń qorytyndysymen kólik júrgizýshisinde mastyqtyń orta dárejesi ekeni anyqtalyp, oǵan qatysty Qazaqstan Respýblıkasynyń ÁQBtK-niń 608-babynyń 1-bóligimen (júrgizýshiniń kólik quralyn alkogóldik, esirtkilik jáne (nemese) ýytqumarlyq masań kúıde basqarýy, sol sıaqty kólik quralyn alkogóldik, esirtkilik jáne (nemese) ýytqumarlyq masań kúıdegi adamnyń basqarýyna berý) ákimshilik quqyqbuzýshylyq týraly hattamasy rásimdelip, jınaqtalǵan qujattar aýdandyq sotqa joldandy.