Qyzylorda oblysynda "Qylmyssyz óńir - kemel keleshek kepili" jobasy júzege asyrylyp jatyr, - dep habarlaıdy aqshamnews.kz tilshisi.
Jobanyń maqsaty – eldi mekenderdegi qylmys deńgeıin tómendetý jáne turǵyndardyń jaıly ómir súrýine jaǵdaı jasaý.
Bul joba aıasynda óńirdiń 18 aýyly alkogól ónimderin satýdan bas tartty.
Budan bólek, 107 kásipkermen memorandýmǵa qol qoıyldy (meıramhanalar men dúkenderde alkogól satý ýaqyty shekteldi), nátıjesimen sońǵy 3 jylda 35 eldi mekende birde-bir qylmys tirkelmegen.
Qoǵamda "Zań men Tártip"ıdeologıasyn ilgeriletý maqsatynda 7 qarashada oblys prokýrory Rızabek Ojarov alkogólden erikti túrde bas tartqan Jańaqorǵan aýdanynyń Ózgentaýylynyń turǵyndarymen kezdesip, aýyl ákimderi men ýchaskelik polısıa ınspektorlaryn marapattady.
Oblys prokýrory aýyl turǵyndarynyń, onyń ishinde aqsaqaldardyń bul bastamany júzege asyrýdaǵy zor úlesin atap ótti.
Joba óz jalǵasyn tabýda, múldem tózbeýshilik qaǵıdattaryn nyǵaıtý, sondaı-aq zań men tártiptiń saqtalýy erekshe baqylaýda.