Almatynyń Medeý aýdany aıtarlyqtaı ózgerip keledi: kóshe jaryǵy jaqsaryp, aýla kórkeıip, qoǵamdyq keńistikter kórkeıtilip otyr. Qazir 60 aýla aýmaǵynda kúrdeli jóndeý jumysy aıaqtalýǵa jaqyn. Bul týraly Medeý aýdanynyń ákimi Erkebulan Orazalın Óńirlik komýnıkasıalar qyzmetinde aıtty.
Onyń aıtýynsha, aýlalarda zamanaýı balalar jáne sport alańy ornatylyp, jańa shamdar qoıylǵan, aǵashtar men gúlzarlar egilgen. Buryn bos jatqan aýmaqtar búginde aýdan turǵyndary úshin demalys aımaqtaryna aınalǵan.
Budan bólek, "Halyq qatysatyn búdjet" baǵdarlamasy aıasynda jalpy quny 2 mlrd teńge bolatyn 34 joba qolǵa alynǵan. Turǵyndardyń bastamasymen 17 aýla men 13 qoǵamdyq keńistik jańartylyp, tórt nysanda avtosýarý júıesi ornatylǵan.
Sondaı-aq, aǵymdaǵy jóndeý jobalary da aıaqtaldy: Qarasaı batyr kóshesindegi júrginshiler aımaǵy jańartylyp, Ýálıhanov býlvary abattandyryldy. Qazir Jambyl atyndaǵy Qazaq memlekettik fılarmonıasynyń aýmaǵyn jáne Ortalyq mádenıet jáne demalys saıabaǵyndaǵy jazǵy sahnanyń qasbetin kóriktendirý jumystary qyzǵan.